Како благодарноста може да го подобри вашето здравје и благосостојба?

Дали чувството на благодарност може да влијае на вашето здравје? Според голем број на истражувања, одговорот е да. Според д-р П. Мурали Дораисвами,експерт за здравјето на мозокот и умот:2
„Ако благодарноста беше дрога, ќе беше најпродаваниот производ во светот со индикација за одржување на здравјето на секој важен органски систем.“

Луѓето што се благодарни за тоа што го имаат се поспособни да се справат со стрес, имаат повеќе позитивни емоции и помалку вознемиреност, спијат подобро3 и имаат поздраво срце.

Истражувањата исто покажуваат дека благодарноста може да даде мерливи ефекти на голем број на системи во вашето тело, вклучувајќи:

  • невротрансмитери за расположение (серотонин и норепинефрин),
  • воспаление и имунолошки систем (цитокини),
  • репродуктивни хормони (тестостерон),
  • хормони на стрес (кортизол),
  • хормони на социјално поврзување (окситоцин),
  • крвен притисок, ЕЕГ и срцев ритам,
  • когнитивни невротрансмитери и невротрансмитери поврзани со задоволство (допамин),
  • шеќер во крвта.

Што е благодарноста?

Што е точно благодарноста? Според доктор Роберт Емонс, еден од водечките научни експерти за благодарност, благодарноста има две клучни компоненти:5

  • Таа е „потврда на добрината“; кога се чувствувате благодарни, потврдувате дека живеете во добар свет.
  • Таа е признавање дека изворот на таа добрина доаѓа надвор од вас; дека другите луѓе (или повисока сила, ако повеќе сакате) ви обезбедиле „подароци“ што го подобруваат вашиот живот на некаков начин.

Според Емонс, благодарноста е „емоција што го зајакнува односот меѓу луѓето бидејќи бара од нас да видиме како сме биле поддржани и ценети од другите луѓе“.

Иако постојат толку многу причини да бидеме благодарни колку што има и луѓе во светот, еден дел од животот на што многу луѓе забораваат да бидат благодарни (се додека не е предоцна) е нивното здравје. Тежнееме да го земаме нашето здравје здраво за готово се додека не се најдеме ненадејно во болка или болест што нè ослабува.

Тоа се навраќа на старата поговорка дека малите нешта се тие што се најважни, а ако негувате благодарност за малите нешта, тоа ќе поттикне подлабоко чувство за среќа.

И покрај сè, ако имате добро здравје и добра ментална состојба, тогаш исто ги имате основните предуслови да направите нешто во врска со неповолните ситуации во вашиот живот.

Како да негувате став на благодарност

Како мускул, вашето чувство на благодарност може да се зајакнува со вежбање. Еден начин да се зајакне позитивната моќ на благодарноста е да се води дневник за благодарност каде ќе можете да запишете за што сте благодарни секој ден.

Во друго истражување било забележано дека луѓето што имале дневник за благодарност вежбале повеќе и имале помалку посети на доктор во споредба со тие што се фокусирале на отежнувачки фактори.6, 7

Како што предлага д-р Алисон Чен во една неодамнешна статија во „Хафингтон Пост“ („Huffington Post“),8  создавањето ноќен ритуал на благодарност може да биде моќна стратегија.
„Мојата колешка има рутина пред спиење со нејзиното 3-годишно дете, што вклучува препознавање на тоа за што сте благодарни. Кога ќе дојде тој дел од ноќта, не можете да го замолчите.“ – пишува Чен.
„Има толку многу нешта што ги земаме здраво за готово, а кога ќе ја слушнете долгата листа што ја кажува едно дете, сфаќате дека можностите да бидете благодарни се неограничени!
Одвојте две минути секој ден да застанете и да размислите; земајќи обична пауза на одличен начин за да донесете поголемо чувство на благодарност во вашиот живот.“
Избегнувањето да бидете вовлечени во лоши вести е другата страна на оваа равенка. Можеби ќе треба да ја ограничите вашата изложеност на медиуми од време на време ако ви е тешко да одржувате позитивен став покрај лицето на ужасот во светот.

Како што кажува Чен: „Повеќето приказни се наменети да ве шокираат, да ве исплашат и да ве фрлат во виор од емоции. Не секогаш ја пренесуваат вистината.“ Другите начини да се негува чувството на благодарност вклучуваат:

  • Пишувајте пораки на благодарност: Како одговор на подарок или добро дело, или едноставно како знак на благодарност што некој е дел од вашиот живот, создавајќи навика да пишувате пораки на благодарност што може да ви помогнат да изразите благодарност во прилог на чувството на благодарност што го имате внатре во себе.
  • Невербални активности: Тоа вклучува насмевки и прегратки, што може да изразат широк спектар на пораки, од охрабрување и возбуда до емпатија и поддршка.
  • Внимавајте на вашето „те молам“ и „благодарам“: Иако е лесно да се кажат зборови како „те молам“ и „благодарам“, овие учтливости  може да станат моќно признание на благодарност кога ќе ги искомбинирате со контакт со очите и искреност.

Како што забележува Чен: „Следниот пат кога вашите раце ќе бидат полни или некој ќе го задржи лифтот за вас, не фрлајте само краток поглед преку рамото набрзина кажувајќи „благодарам“. Свртете се, погледнете во очи и искрено заблагодарете се; чинот на великодушност е тоа што е важно.“

  • Молитва и медитација: Изразувањето благодарност за време на молитва или медитација е друг начин да се негува благодарноста. Вежбањето „свест“ значи дека свесно обрнувате внимание на моментот во кој се наоѓате.

Понекогаш може да се користи мантра што ќе ви помогне да останете сконцентрирани, но исто можете да се сконцентрирате на нешто за што сте благодарни, како пријатен мирис, свежо ветре или убаво сеќавање.

Експерт по природно здравје д-р Меркола

photo_4.jpg

Извори:

1 Биографија на П. Мурали Дораисвами

2 ЕјБиСи вести (ABC News), 23-ти ноември 2011

3 „Психологијата денес“ („Psychology Today“), 9-тиноември 2011

4 „Американско списание за кардиологија“(„American Journal of Cardiology“),15-ти ноември 1995, 76(14):1089-93

5 „Супер храна“, berkley.edu

6 „Списание за психологија на личноста и социјална психологија“ („Journal of Personality and Social Psychology“), 2003: 84(2); 377-389 (PDF)

7 „Списание за ментално здравје на Универзитетот Харвард“(„Harvard Mental Health Letter“), ноември 2011

8 „Хафингтон Пост“ („Huffington Post“), 8-ми јуни 2016