Што му се случува на вашето тело кога јадете брза храна?

Што му се случува на вашиот метаболизам по пет дена јадење брза храна

Иако нивниот внес на калории остана непроменет, кога луѓето јадеа брза храна во едно истражување, способноста на нивните мускули да ја оксидираат глукозата беше нарушена само по пет дена. Ова е значајна промена бидејќи мускулите имаат важна улога во расчистување на глукозата по оброкот од вашето тело.

Во нормални услови, вашите мускули ќе ја разложат глукозата или ќе ја складираат за да ја користат подоцна. Вашите мускули сочинуваат околу 30 проценти од вашата телесна тежина, па
затоа ако го изгубите овој клучен играч во метаболизмот на глукозата, тоа може да го отвори патот за дијабетес и други здравствени проблеми.Како што е соопштено од страна на „Тајм“ („Time“):2

„Нормалниот одговор на оброкот во суштина беше затапен или едноставно не беше присутен по пет дена исхрана богата со незаситени масти.“ – вели д-р Метју Халвер, шеф на одделот за исхрана на човекот, храна и вежбање на Универзитетот „Вирџинија Тек“.


Пред да преминат на работната недела со вредноста на исхраната богата со масти, кога луѓето јадеа нормален оброк, забележаа големо зголемување на оксидативните цели по четири часа по оброкот.
Тој одговор беше поништен по пет-дневниот внес на незаситени масти.

А, во нормални услови на јадење, испитуваниот мускул ја користеше глукозата како извор на енергија со оксидирање на глукозата. „Тоа во суштина беше збришано потоа.“ – вели тој. „Бевме изненадени колку беа силни ефектите само по пет дена.“

Само еден лош оброк може да му влијае на вашето здравје

Документарниот филм на Морган Спурлок „Направи ме супер големина“ („Super Size Me“) беше еден од првите што видливо ги прикажа последиците кога човек се обидува да се одржува со исхрана составена од брза храна.
Само по четири недели, здравјето на Спурлок се влоши до тој степен што неговиот лекар го предупреди дека го става својот живот во сериозна опасност ако продолжи со експериментот.
Но, како што покажа понатамошното истражување, не е потребен еден месец за да ги искусите здравствствените ефекти од лошата исхрана. Всушност, промените се случуваат по само еден оброк, според истражувањето објавено во списанието на Американскиот колеџ за кардиологија („Journal of the American College of Cardiology“).3

Кога јадете оброк богат со нездрави масти и шеќери, шеќерот предизвикува голем скок во нивото на шеќер во вашата крв наречено постпрандијална хипергликемија.

Долгорочно тоа може да доведе до зголемен ризик од срцев удар, но исто има и некои краткорочни ефекти како:

  • Се воспалува вашето ткиво (како што се случува кога е инфицирано)
  • Се стеснуваат вашите крвни садови
  • Се генерираат штетни слободни радикали
  • Вашиот крвен притисок може да се покачи повеќе од нормално
  • Пораст и пад на инсулинот може да ви остави чувство на глад веднаш по вашиот оброк

Добрата вест е што јадењето здрав оброк му помага на вашето тело да се врати во својата нормална оптимална состојба, дури и по само еден оброк. Авторот на истражувањето, Џејмс О’Киф од Институтот „Срцето на Средна Америка“ („Mid America Heart Institute“)во Канзас , Мисури изјави за „Тајм“ („Time“):4
„Вашето здравје и енергија, на многу основно ниво, се добри колку и вашиот последен оброк.“

Д-р Брејден Куо од Општата болница во Масачутес користи камера со големина на таблетка за да види што се случува во вашиот желудник и во дигестивниот тракт откако ќе изедете еден често консумиран тип на инстант тестенини - нудлс. Резултатите се неверојатни...

Дури и по само два часа, тие се неверојатно непроменети, многу повеќе отколку домашни тестенини, што биле користени за споредба. Ова е загрижувачко од голем број на причини.

За почеток, може да вршат притисок на вашиот дигестивен систем, кој е принуден да работи со часови пред да може да ја разложи оваа високо преработена храна.

Кога храната останува во вашиот дигестивен тракт толку долго време, исто ќе влијае и на апсорпцијата на хранливите материи, но во случајот на преработени тестенини (нудлс) и не постојат многу хранливи материи за да се апсорбираат. Наместо тоа, има долга листа на адитиви, вклучувајќи го токсичниот конзерванс терциерен-бутил хидрохинон (TBHQ).

А, да не зборуваме за рафинираните јаглехидрати како житариците за појадок, ѓевреците, вафлите, переците и повеќето други преработени производи што се разложуваат на шеќер во вашето тело. Тоа го зголемува нивото на инсулин и лептин и допринесува за развој на инсулин ресистентност, што е примарен основен фактор на скоро секоја хорнична болест и состојба позната на човекот, вклучувајќи и зголемување на телесната тежина.

И не само тоа, запомнете... кога јадете брза храна, не се храните само себе... ја храните исто и вашата микрофлора, а со тоа и ја менувате нејзината градба на подобро или полошо. Армијата од разновидни микроорганизми во вашето тело е одговорна за многу клучни биолошки процеси, од иминутетот до меморијата и менталното здравје, затоа хранјеќи ја мудро, со свежа непреработена и природно ферментирана храна, е од суштинско значење за вашето целокупно здравје и благосостојба.

Дали јадењето брза храна е исто опасно како и цигарите?

Специјалниот известувач на ОН за правото на храна, Оливиер Де Шатер, рече дека: „Дебелината е поголема глобална закана од употребата на тутун.“ и дека тој факт не е земен доволно сериозно како што треба да биде земен.

Брзата храна е неверојатно зависна

Вашето тело е создадено природно самото да регулира колку јадете и колку енергија согорувате. Но, производителите на храна сфатиле како да ги надминат тие суштински природни регулатори создавајќи преработени производи што се направени да бидат „екстра да ве наградат“. Според „хипотезата за дебелина – наградување со храна“, преработените производи поттикнуваат силен одговор на награда во нашиот мозок, така што станува многу лесно да се прејадеме. Еден од водечките принципи во индустријата со преработени производи е познат како „сензорно-специфична ситост“.

Истражниот новинар Мајкл Мос, го опишува тоа како „тенденција големи различни вкусови да го победат вашиот мозок“.5 Најголемиот успех на пијалоците и храната се должи на „посакуваност“што пак се должи на комплексни формули што ги надразнуваат вашите сетилни телца за вкус само доволно, незаситувајќи ги, а со тоа победувајќи ја тенденцијата на вашиот мозок да каже „доволно“. Чипсот е најзависната брза храна на пазарот, што ги содржи сите три состојки што „поттикнуваат блаженство“: шеќер (од компир), сол и лоши масти.

Всушност, шеќерот предизвикува поголема зависност од кокаинот. Едно истражување објавено во 2007 година покажува дека 94 проценти од стаорците на кои им е дозволено да изберат меѓу шеќерна вода и кокаин, избираат шеќер.6 Дури и стаорците што биле зависни од кокаин брзо го смениле нивниот избор на шеќер, кога им бил понуден како избор. Стаорците исто биле повеќе желни да работат за шеќер наместо за кокаин.

Истражувачите шпекулираат дека рецепторите за благо (два протеински рецептори локализирани на јазикот), што еволуирале во предците кога исхраната била сиромашна со шеќер, не се адаптирале на високата консумација на шеќер во современото време. Затоа абнормалната висока стимулација на тие рецептори со исхрана богата со шеќер предизвикува прекумерни сигнали на награда во вашиот мозок, кои го имаат потенцијалот да ги победат нормални механизми на самоконтрола и со тоа да доведе до зависнот.

Дали постојано ве демне брзата храна? Како да се ослободите?

Замената на преработената храна со домашни оброци направени од нерафинирани производи е идеален и важен начин што обезбедува оптимална исхрана. Тоа автоматски ќе ги намали најголемиот дел од рафинираните шеќери, преработената фруктоза, конзервансите, вештачките бои и други штетни хемикалии, како и многу состојки што предизвикуваат зависност во вашата исхрана. Тоа ќе му дозволи на вашето тело помалку да зависи од шеќер, а повеќе од масти, како примарно гориво – доколку јадете доволно здрави масти.

Како резултат на тоа, нема повеќе да сте желни за шеќер за да имате енергија. Клучните елементи за здрава исхрана што може да ви помогнат целосно да ја изгубите желбата за брза храна се следните:

  • Избегнувајте рафиниран шеќер, преработена фруктоза, житарици и преработена храна
  • Јадете здрава храна составена од непреработени призводи, идеално органски
  • Заменете ги јаглехидратите што ги елиминирате со колку што сакате здрави масти со висок квалитет (заситени и монозаситени).

Многумина ќе имаат корист доколку добиваат 50-85 проценти од дневниот калориски внес од здрави масти. Иако ова може да звучи многу, имајте во предвид дека кога се работи за волумен, најголемиот дел од вашата чинија треба да биде исполнет со зеленчук бидејќи зеленчукот содржи малку калории.

Од друга страна, мастите содржат многу калории. На пример, само една лажичка кокосово масло содржи околу 130 калории – целосно од здрави масти. Добрите извори вклучуваат: маслинки и маслиново масло, кокосови ореви и кокосово масло, путер направен од сирово органско млеко добиено од животни хранети со трева, органски сирови ореви, особено макадамија ореви кои се сиромашни со протеини и омега 6 масни киселини, жолчки од органски јајца од кокошки кои паселе, авокадо.

  • Големи количини на високо квалитетен локално одгледан органски зеленчук, ферментиран зеленчук и никулци идеално одгледани во вашиот дом
  • Ниски до умерени количини на високо квалитетни протеини (јајца)

Клучот е во планирање на оброците

Исфрлањето на преработените производи од исхраната бара да ги планирате оброците однапред, но ако одите чекор по чекор, е многу можно и изводливо безболно да ги отстраните преработените производи од вашата исхрана. Можете да пробате да го пребарате вашиот локален пазар на земјоделски производи за сезонски производи што ефтино се продаваат, а според тоа соодветно да ги испланирате и вашите оброци, а истиот пристап можете да го искористите и во супермаркетите. Можете да испланирате оброци за една недела, со што ќе бидете сигурни дека ќе ги имате потребните состојки на располагање, а потоа направете било какви подготовки што можете да ги направите пред време за да ви биде лесно брзо да ја подготвите вечерата доколку тогаш немате многу време (а, остатоците можете да ги искористите за ручек следниот ден).

Експерт по природно здравје д-р Меркола

photo_4.jpg

Извори:

1 „Јаху здравје“ („Yahoo Health“),15-ти април, 2015

2 „Тајм“ („Time“), 14-ти април, 2015

3 „Списание на Американскиот колеџ за кардиологија“ („Journal of the American College of Cardiology“), 22-ри јануари, 2008; 51:249-255

4  „Тајм“ („Time“), 15-ти јануари, 2008

5 „Њу Јорк Тајмс„ („New York Times“), 20-ти февруари, 2013

6 „Плас Ван„ („PloS One“), 2(8): e698