Начин на употреба и дозирање на масло од канабис

Вовед

Лек може да се внесе во вашето тело на неколку различни начини.
Повеќето лекови најчесто се земааат орално, или преку уста. Понекогаш лековите делуваат побрзо и се поефикасни доколку не мора да поминат прво преку цревата. За лек што луѓето вообичаено го земаат орално, понекогаш е потребен различен начин за да се внесе во телото. Повраќање со треска, на пример, може да значи дека лицето не може да го прими лекот орално.
Постојат голем број на лекови во форма на креми, масти и масла што се нанесуваат на кожата. Тие лекови обично се применуваат директно на подрачјето каде што се потребни и се непрактични ако се земат орално. Затоа треба да се применат директно во пределот на кој му е потребен третман.
Друг начин да се земе лек е преку лепенка за кожа, или фластер. Toа се нарекува трансдермален метод. Со лепенка за кожа, лековите директно се апсорбираат во крвотокот.
Постојат бројни лекови за алергии кои се земаат назално, или преку нос. Некои луѓе примаат лекови преку инхалација.
Еден од најчестите и најбрзи начини на лекување обично бара помош од доктор или медицинска сестра. Лековите може да се испорачуваат и интравенозно, или со инфузија. Со инфузија, лековите влегуваат директно во крвотокот, што може да овозможи да дејствуваат брзо и да бидат најефикасни.
Уште еден брз начин на делување на лекот е кога се употребува сублингвално или под јазик. Лекот се става под јазик за да се раствори и да се апсорбира во крвта преку богатата мрежа на крвни садови во тој предел.
Супозиториите се уште еден начин на примање на лек. Тие се мали дози со тркалезен или конусен облик што ги ставате во вашето тело, најчесто во вашиот ректум. Откако еднаш е внесена, супозиторијата се топи или раствора и го ослободува лекот.

Сублингвално или примање на лек под јазик

Сублингвална употреба на лек значи ставање на лекот под вашиот јазик за да се раствори и да се апсорбира во крвта.
Лекот може да биде во форма на таблети, гелови, масла или спрејови.

Кога се зема лек сублингвално?

  • Kога лекот треба да се внесе во вашиот систем, а имате проблеми со голтање.
  • Кога лекот не се апсорбира добро во желудникот.
  • Кога ефектите на лекот ќе се намалат со варењето на храната.
  • Кога лекот треба да делува брзо.

Предности и слабости

Сублингвалната употреба на лекот има свои предности. Бидејќи лекот брзо се апсорбира, овој вид на употреба може да биде важен за време на итни случаи, кога лекот треба да делува веднаш, како, на пример, за време на срцев удар.

Јадењето, пиењето и пушењето може да влијаат на тоа како се апсорбира лекот и на степенот на апсорбција.
Не се препорачува да пиете, голтате, јадете или пушите некое време откако ќе го земете лекот со овој начин на употреба.

Од друга страна, овој вид на употреба не е добар за лек што треба да се апсорбира споро во вашиот систем.
Какви било отворени рани во устата исто така можат да бидат иритирани од лекот.
Понекогаш овој начин на употреба на лекови може да ја иритира устата.

Што треба да знаете за сублингвална употреба на масло од канабис?

Со сублинвална употреба на масло од канабис, се внесуваат повеќе активни канабиноиди во крвотокот отколку кога истата количина на масло се зема орално.
Сублингвалната апсорпција на маслото од канабис целосно го заобиколува дигестивниот систем и метаболизирањето во црниот дроб, со тоа што состојките од маслото се апсорбираат директно во крвотокот. Најпрво поминуваат преку мукозната мембрана на устата и потоа одат во крвотокот. Маслото се апсорбира преку капиларите под јазикот, кои се влеваат во сублингвалната вена, а потоа во јазичните и југуларните вени што водат директно до циркулаторниот систем. Откако крвта ќе дојде до срцето, ќе продолжи да циркулира низ целиот крвоток во рок од само една минута.
Со орална употреба на маслото од канабис, со голтање, обично е потребен најмалку еден час за да се почувствува ефектот, додека сублингвалната апсорпција се случува за време од неколку минути.

Кога канабиноидите се апсорбираат сублингвално, ефектите од маслото не само што се чувствуваат побрзо, туку имаат и зголемена биорасположливост од околу 50 – 75% во некои случаи. Тоа значи дека е потребна помала количина за поголем ефект, што заштедува време и пари.

Овој начин на употреба се препорачува пред спиење, така што психотропниот ефект се намалува преку ноќ. Со тек на време, телото се навикнува на нивото на ТХЦ и не се забележува присуство на психотропни ефекти. Но тоа е различно од пациент до пациент.

Начин на употреба

  • Исплакнете ја устата за да биде чиста и без остатоци од храна.
  • Измијте ги рацете.
  • Нанесете ја одредената количина на масло на врвот на прстот и ставете ја на долниот дел од јазикот. Ако има остатоци од маслото на прстот, поминете со тој дел преку врвот на долните предни заби. Исто така можете да го нанесете и со шприц. Доколку го чувате во шприц со навртување, дозирање е лесно и прецизно.
    Дозволете му на вашиот јазик да легне на дното на усната празнина.
  • Држете го маслото под јазик 1 до 2 минути. Повеќето активни состојки од маслото влегуваат во капиларите од устата. Дозволете ѝ на пунката постепено да го раствори и голтнете го за преостанатите соединенија да влезат во крвотокот преку дигестивниот тракт.

Совети

Ако само што започнувате со употреба на маслото, препорачливо е да го земате навечер пред спиење. Ако ја следите шемата за дозирање, откако ќе почнете да го земате преку ден, не управувајте со моторно возило и не користете механизација и машини. Препорачливо е да мирувате се додека телото не се навикне на маслото со негова редовна употреба. Тогаш ќе можете нормално да функционирате затоа што маслото од канабис не ги нарушува вашите моторички способности.

Чувајте го на ладно и темно место. Фрижидерот е идеално место.
Уште подобро е додека го чувате во фрижидер, да го изолирате дотокот на нов воздух ставајќи го шприцот со масло во кеса што добро се затвора и не дозволува да влегува воздух. Тоа ќе го продожи рокот на употреба доколку имате поголема количина на масло.

Дејството на маслото може да трае од 6 до 10 часа. Доколку почувствувате анксиозност, препорачливо е да се напиете чај од ѓумбир и да пиете повеќе вода. Истуширајте се со ладна вода.

За сублингвална употреба е потребно само маслото од канабис и не е потребна никаква друга подготовка.

Орална употреба на масло од канабис

Дигестивните процеси го менуваат метаболизмот на канабиноидите и создаваат различни метаболити на ТХЦ во црниот дроб. Тоа може да произведе значително различни ефекти во зависност од личноста. Бидејќи оралниот пат е погоден, најчесто се користи при земање на масло од канабис, или подготвени капсули од масло од канабис.
При орална употреба, почетокот на ефектите се одложува и се појавуваат покасно како резултат на побавната апсорпција на канабиноидите. Ова е важно да се знае кога се одлучува како да се употребува маслото од канабис.

Оралната употреба има ограничувања поради начинот на кој канабиноидите обично се движат низ дигестивниот тракт. Повеќето лекови обично се апсорбираат во тенкото црево. Соединенијата минуваат низ цревниот ѕид и патуваат до црниот дроб пред да бидат транспортирани преку крвотокот до нивната целна локација. Цревниот ѕид и црниот дроб хемиски ги менуваат (метаболизираат) канабиноидите, претворајќи го ТХЦ во психоактивно соединение со негово претворање во 11 хидрокси ТХЦ (11-OH-THC), што всушност има до 5 пати поголем психоактивен ефект. Тој ефект исто зависи и од тоа дали и колку сте јаделе претходно и колку толеранција имате развиено.

Кога се зема орално, исто така се намалува количината на активна состојка што достигнува до крвотокот.
За разлика од оралната употреба, кога маслото од канабис се користи сублингвално, често се употребува во помали дози, а се добива ист медицински ефект.
Кога канабисот се зема орално, храната и другите лекови во дигестивниот тракт може да влијаат на тоа во која количина и колку брзо се апсорбираат канабиноидите. Тоа исто така може да биде главен фактор при планирање како ефикасно да се користи и употребува маслото од канабис.
Кога маслото од канабис се зема орално во неговата природна состојба, а не во капсула, апсорпцијата може да започне уште во устата.

Супозиториите како начин на примањe лек

Ректални супозитории се цврсти форми на лекови кои се внесуваат во ректумот. Ги има во различни форми и големини, но обично се потесни на едниот крај. Со ректални супозитории може да се внесуваат многу видови на лекови.
Лековите внесени со ректални супозитории имаат тенденција да дејствуваат брзо и ефикасно, затоа што супозиторијата се растопува во дебелото црево и се апсорбира директно во крвотокот без да минува преку желудникот и тенкото црево.

Во кои случаи да користите супозитории?

  • Лекот што го земате би се распаднал пребрзо во вашиот дигестивен тракт доколку го земете како пилула или течност.
  • Не можете да го голтнете лекот.
  • Повраќате и не можете да ја задржите пилулата или течноста во желудникот.
  • Лекот има премногу лош вкус.
  • Лекот има несакани ефекти доколку го земате орално.
  • Лекот не е доволно ефикасен доколку го земате орално.

Подготовка

Потребна ви е претходно подготвена супозиторија и сапун и вода или средство за дезинфекција на рацете. Од помош е и средство за подмачкување, а за таа цел пожелно е да се користи минимална количина на кокосово масло или вода.

Нежно притиснете ја супозиторијата за да проверите дали е доволно цврста за да ја вметнете. Ако не е, оставете ја да се зацврсти држејќи ја под ладна вода додека е сè уште во обвивката. Може повторно да ја ставите неколку минути во фрижидер за да се стврдни.
Доколку е можно, одете во тоалет и испразнете ги цревата. Измијте ги рацете со сапун и вода. Исушете ги рацете со чиста крпа или хартиена крпа за една употреба.
Соблечете се за да го изложите задникот.
За да го навлажните врвот на супозиторијата, нанесете со прст минимална количина на кокосово масло за подмачкување. Ако немате ништо за подмачкување, нанесете мала количина на вода во пределот на ректумот.

Вметнување на супозиторијата

Наместете се во позиција, со тоа што можете да застанете со едната нога подигната и стапалото потпрено на стол. А можете исто така да легнете на страна со едната нога благо свиткана во коленото и повлечена кон стомакот, а другата нога испружена. Ако вметнувате супозиторија на некој друг, можеби ќе сакате да го поставите во таа позиција. Опуштете го задникот за полесно да ја вметнете супозиторијата. Вметнете ја супозиторијата во ректумот, со потесниот крај напред. Нежно, но цврсто, притиснете ја супозиторијата покрај сфинктерот. Сфинктерот е мускулестиот отвор на ректумот. Кај возрасни, потиснете ја 3-4 cm навнатре.

Совети

  • Обидете се да не ги празните цревата во период од еден час по вметнувањето на супозиторијата.
  • Исто така избегнувајте вежбање или интензивно движење во период од еден час по вметнувањето.
  • Чувајте ги супозиториите на ладно место за да се спречи нивно топење. Најповолно е да ги чувате во фрижидер.
  • Можете да користите медицински ракавици.
  • Исечете ги ноктите за да спречите гребење додека ја вметнувате супозиторијата.
  • Избегнувајте употреба на вазелин за подмачкување на супозиторијата. Вазелинот може да делува како изолатор и да спречи супозиторијата да се стопи откако ќе се вметне.

Ако супозиторијата излезе откако ќе ја вметнете, можеби не сте ја ставиле доволно длабоко во ректумот. Бидете сигурни добро да ја потиснете супозиторијата покрај сфинктерот.

Која е науката што стои зад ректалната употреба на масло од канабис?

Црниот дроб е клучен елемент за чувствување на психоактивниот ефект од канабисот.
Кога се употребува ректално, канабисот директно влегува во крвотокот и брзо се дистрибуира преку васкуларниот систем заобиколувајќи го црниот дроб. Супозиториите го избегнуваат гастроинтестиналниот систем каде се метаболизира маслото од канабис, при што еден од метаболитите е 11 хидрокси ТХЦ (11-ОH-THC), што е всушност психоактивно соединение со 5 пати поголем психоактивен ефект од тој на ТХЦ. Тоа значи дека кога маслото од канабис се употребува ректално, има мал или воопшто нема психоактивен ефект.
Кога канабисот се пуши, патува низ белите дробови, а потоа во црниот дроб. Кога маслото од канабис се зема орално, со варењето на храната патува до црниот дроб. Поради дигестивниот процес и времето на патување што е потребно за да стигне до мозокот, со овој начин на употреба на маслото од канабис, психоактивниот ефект се јавува најкасно.

Под претпоставка дека дел од содржината на канабиноидите ќе помине преку слузта, потоа продолжуваат да циркулираат преку долните или средните ректални вени во долната шуплива вена (vena cava inferior), заобиколувајќи го црниот дроб; или доколку дел се апсорбира преку горната ректална вена, тогаш преку крвта оди до црниот дроб каде што се метаболизира. Се смета дека отсутната психоактивност е резултат на тоа што ТХЦ не поминува низ црниот дроб, а со тоа не се метаболизира во 11-ОH-THC. 11-ОH-THC е помоќен, подолго останува во системот отколку ТХЦ, и полесно ја поминува крвно-мозочната бариера, а со тоа има и поголем психоактивен ефект.

На сликата подолу е прикажана биорасположливоста на канабиноидите кога за ректална употреба се користи ТХЦ-ХС (THC-HS), што е различно од ТХЦ.



Во фармакологијата, биорасположливост е поткатегорија на апсорпција и претставува дел (изразен во %) од администрираниот лек кој достигнува до системската циркулација. По дефиниција, кога лекот се администрира интравенозно, неговата биорасположливост е 100%.
Меѓутоа кога лекот се администрира преку други патишта кои не се интравенски, неговата биорасположливост е генерално пониска од таа при интравенска администрација поради апсорпцијата преку цревниот ендотел и метаболизмот на црниот дроб.

Што е ТХЦ-ХС (THC-HS)?

ТХЦ-ХС (ТХЦ хемисукцинат) THC-HS (THC hemisuccinate), e естерски производ на ТХЦ.
ТХЦ-ХС не е исто што и ТХЦ.
ТХЦ-ХС e добиен со хемиска стабилизација со состојки за обработка, како полиетилен гликол 400 (polyethylene glycol 400) и витамин Е сукцинат (vitamin E succinate).

Употребата на ТХЦ-ХС во супозитории резултира со одлична биорасположливост, одржливо ниво на ТХЦ во плазмата и подобрена ефикасност во однос на оралната употреба, што укажува на изводливоста на овој начин на употреба на ТХЦ преку супозитории.
Аргументот во овој случај е дека без поминување низ водниот слој на слуз, ТХЦ не може да се апсорбира директно. Мастните носители како кокосовото масло, ја намалуваат апсорпцијата. ТХЦ-ХС е растворлив во вода, поради што лесно се раствора во водната слуз. Можеби добивање на ТХЦ-ХС е надвор од опсегот на повеќето од нас, но во основа се произведува со прилично едноставна хемиска реакција.
Повеќе за истражувањата за ТХЦ-ХС.

Неколку последователни студии направени за ректална апсорпција на масло од канабис, покажуваат дека без хемисукцинат (hemisuccinate), ректалната апсорпција изнесува само 3% или помалку. Јасно е дека домашната подготовка на супозитории од масло од канабис не вклучува хемисукцинат, па затоа безбедно е да се претпостави дека повеќето супозитории направени со домашна подготовка не се апсорбираат добро.
Канабиноидите се липиди (масти) и скоро секогаш се екстрахираат во основа на масло или маст, така што разумно е да се претпостави дека ректалната апсорбција на канабиноидите со мастна основа е слаба.

Мастна основа за подготовка на супозитории од масло од канабис

Во случај на ректални супозитории од масло од канабис, супозиториите обично се направени од мастна основа, која најчесто е кокосово масло или кокосов путер, измешанa со соодветна количина на масло од канабис.

Според д-р Алан Френкел, кој истражувал и пишувал за ректалната апсорпција на маслото од канабис, неговите пациенти не почувствувале никаков ефект кога користеле масло од канабис со мастна основа. Анализата на нивната крвна плазма открила занемарливо ниво на ТХЦ и ЦБД. Според „Практична фармација – Меѓународно упатство за подготовка, нега и употреба на лекови“ (“Practical Pharmaceutics: An International Guideline for the Preparation, Care and Use of Medicinal Products”), ректумот не апсорбира масти ефикасно. Секоја активна супстанца во супозиторија, прво мора да се раствори во водната слуз што го обвива ректумот, а потоа поминува во крвотокот. Не може да се апсорбира директно од мембраната, без да помине низ водниот мукузен слој. Затоа активните супстанции кои се липофилни (како што се канабиноидите) не треба да се комбинираат со масен носач доколку се наменети за ректална употреба, затоа што тоа дополнително ќе ја намали нивната апсорпција. Скоро секое упатство за подготовка на супозитории од масло од канабис што се наоѓа на интернет се однесува на подготoвка на супозитории со мастна основа, што ја нарушува нивната ефикасност.

И покрај овие откритија, се чини дека супозиториите од масло од канабис направени со масло од канабис со целосен спектар сè уште се употребуваат и се ефикасни за повеќето пациенти.
На апсорбцијата исто така може да влијае и содржината на ароматични состојки кои се дел од канабисот за што сè уште не постојат научни испитувања како може да делуваат.

Сепак, постојат и спротивни ставови, но јасно е дека се потребни повеќе истражувања. Во моментот има доволно аргументи да се каже дека ректалната употреба на маслото од канабис се чини дека е ефикасна за состојби што може да имаат корист од локална употреба, како рани, хемороиди, рак на дебело црево и рак на простата.

Еден значаен случај е тој на 67-годишниот Ваклав Новак (Václav Novák), кој во 2013-тата година бил дијагностициран со рак на простата, со измерено ниво на антиген (ПСА) специфичен за утврдување на рак простатата од над 10.
Докторите му закажале хемотерапија три месеци подоцна. Веднаш по дијагнозата, Ваклав започнал со употреба на супозитории од 1 ml (1 gr), што содржеле 0,1 ml (0,1 gr) масло од канабис со концентрација на ТХЦ од 70% и на ЦБД од околу 5%. Не чувствувал психоактивен ефект, кој е голем ризик при орална употреба. Се чувствувал прилично опуштено и спиел многу подобро. Кога се јавил на закажаниот преглед после три месеци, немал потреба од хемотерапија или друг третман. Утврдено е дека неговиот антиген (ПСА) специфичен за утврдување на рак на простата, се вратил на вредност од 0.

Што може да се очекува од супозиториите од масло од канабис?

Може да се почувствува топла сензација која што започнува од карличниот регион. Многу пациенти пријавуваат олеснување на болката скоро веднаш, без никакви психоактивни ефекти. Супозиториите им овозможуваат на пациентите брзо испорачување на лековитите состојки од маслото од канабис. Ректумот е богат со крвни садови. Да, некои сметаат дека е бизарно и никогаш нема да ги убедите да користат супозитории, но доколку прифатат ваков начин на користење, со сигурност ќе имаат придобивки од маслото од канабис.

Која е соодветната доза на масло од канабис?

Соодветната доза зависи од неколку фактори. Можете да го прилагодите вашето тело да консумира масло од канабис во текот на денот (доколку го употребувате орално или под јазик, по неколку недели психоактивниот ефект веќе не се забележува и може да продолжите со вашата дневна рутина). На почеток е препорачливо да го земате навечер пред да одите на спиење и на тој начин да го преспиете психоактивниот ефект.

Колку масло треба да земате на ден, зависи од дијагнозата на рак што сте ја добиле. Колку порано ќе започнете да земате поголеми дози и дојдете до дневна доза 1 ml (1 gr), толку поголем ќе биде ефектот и толку повеќе ќе се зголемат вашите шанси да го преживеете ракот.

Маслото од канабис може да го излече вашиот рак, а во случаи кога ракот веќе метастазирал премногу, може да ја олесни болката во преостанатото време додека сте на земјата.

ВНИМАНИЕ – Тоа што следува е генерално упатство. Дозата и начинот на употреба зависат од видот и стадиумот на ракот. За да се елиминира ракот, терапијата може да трае од 4-12 месеци.

Дозирање на масло од канабис според Рик Симпсон

Рик Симпсон вели дека на просечен пациент му се потребни 80-ина дена да ја помине терапијата со масло од канабис, при препорачана терапија од 60 ml (60 gr) масло од канабис. Тој препорачува маслото од канабис да се зема 3 пати на ден, дозирано како на следната шема.

Шемата за дозирање се однесува на масло од канабис за орална, сублингвална и ректална употреба.

После терапијата од 30 ml (30 gr), треба да се продолжи да се зема 1 ml (1 gr) дневно и да се продолжи така се додека ракот не се намали или не исчезне.

Подготвување на супозитории од масло од канабис

Најповолна опција за мастна основа е сиров путер од какао. Сировиот путер од какао е супериорен во однос на обичниот путер од какао затоа што не e третиран на висока температура што ги уништува хранливите материи. Сировиот путер од какао, покрај тоа што содржи есенцијални масни киселини, богат е и со антиоксиданси и полифеноли кои можат да имаат позитивен ефект врз имунитетот.
Како мастна основа исто така може да се користи и органско ладно цедено кокосово масло.

супозитории

Подготвување на капсули од масло од канабис

Како мастна основа исто така може да се користи и органско ладно цедено кокосово масло.

капсули

Сооднос на ЦБД и ТХЦ

Двaта најпроминентни канабиноиди, ЦБД и ТХЦ, имаат различни лековити својства, а кога ги земате заедно или посебно, тие имаат различни ефекти врз вашето тело. Бидејќи ЦБД и ТХЦ се двaта најистакнати канабиноиди на растението канабис, повеќето денешни истражувања се фокусираат на нивниот сооднос. Разбирањето за тоа какво својство има соодносот на канабиноидите, е сè уште во рана фаза на истражување. Медицинските и терапевтските својства на секој канабиноид се различни. Тетрахидроканабинол (ТХЦ) и канабидиол (ЦБД) се разликуваат во начинот на кој нивните молекули делуваат на канабиноидните рецептори во мозокот. ТХЦ се врзува со ЦБ1 рецепторите, а ЦБД се врзува со ЦБ2 рецепторите, додека исто така ги блокира ЦБ1 рецепторите да се врзат со ТХЦ. Тоа значи дека ЦБД намалува некои од ефектите на ТХЦ.
Својствата и начинот на делуваање зависат исто така и од начинот на употреба. На пример, доколку ТХЦ се зема ректално, психоактивниот ефект е занемарлив или воопшто го нема.

Маслото од канабис обично содржи висок процент на ТХЦ (околу 60-90%) и помал процент на ЦБД, во зависност од видот на канабисот што се користи за добивање масло. Но исто така, заедно со ТХЦ и ЦБД, маслото од канабис содржи и здрави масни киселини, терпени и други 110 минорни канабиноиди, за кои што истражувањата покажуваат дека имаат симбиотички ефект за маслото да делува како лек.

efekt

Дозирање на масло од канабис според Денис Хил

Денис Хил земал околу 1 ml (1 gr) орално (околу 1 зрно грав) за време на неговата терапија. Го земал пред спиење, така што психотропниот ефект се намалувал преку ноќ. Со тек на време, телото се навикнува на нивото на ТХЦ и нема повеќе психотропни ефекти. Но тоа е различно од пациент до пациент.

Истражувања за апсорпција, дистрибуција, метаболизам и екскреција на канабиноидите

Референци

Munjal, M., Elsohly, M.A., Repka, M.A. (2006). Chemical stabilization of a Delta9-tetrahydrocannabinol prodrug in polymeric matrix systems produced by a hot-melt method: role of microenvironment pH. AAPS PharmSciTech. 7. 71. doi: 10.1208/pt070371

ElSohly, M.A., Gul, W., Walker, L.A. (2018). Pharmacokinetics and Tolerability of Δ9-THC-Hemisuccinate in a Suppository Formulation as an Alternative to Capsules for the Systemic Delivery of Δ9-THC. Med Cannabis Cannabinoids 2018;1:44-53. doi: 10.1159/000489037

Theisen, E. (n.d.) What you need to know about suppositories. Green health consultants.

Baviskar, P., Bedse, A., Sadique, S., Kunde, V., Jaiswal, S. (2013). Drug delivery on rectal absorption: suppositories. Int. J. Pharm. Sci. Rev. Res., 21(1), Jul – Aug 2013; 13, 70-76

De Boer, A.G., Moolenaar, F., de Leede, L.G., Briemer, D.D. (1982). Rectal drug administration: clinical pharmacokinetic considerations. Clinical Pharmacokinetics, 7 (4): 286-311.

Elsohly, M.A., Little, T.L., Hikal, A., Stanford, D.F., Walker, L. (1991). Rectal bioavailability of delta-9-tetrahydrocannabinol from various esters. Pharmacology Biochemistry and Behavior, 1991, 40 (3): 497-502. doi: https://doi.org/10.1016/0091-3057(91)90353-4

Perlin, E., Smith, O.G., Nichols, A.L., Almirez, R., Flora, K.P., Cradock, J.C., Peck, C.C. (1985). Disposition and bioavailability of various formulations of tetrahydrocannabinol in the rhesus monkey. Journal Pharm Science, 74 (2): 171-4.

Bowden, V. R., Greenberg, C. S. (2008). Pediatric nursing procedures (2nd ed.). Philadelphia: Lippincott Williams & Wilkins.

Narang, N., Sharma, A. J. (2011). Sublingual mucosa as a route for systemic drug delivery. International Journal of Pharmacy and Pharmaceutical Sciences, 3(Suppl 2), 15–22

Статијата е од информативен карактер. Не е наменета за третман на каква било здравствена состојба. Пред да користите масло од канабис, консултирајте се со соодветно стручно лице.

Правење домашно масло од канабис

За македонски превод притиснете на „CC“.

error: Содржината е заштитена!